سر للبنوتات فقط..لاني احبكم..

مرحبا صبايا...كيفكم..؟ ان شاء الله تمام...
بصراحه انا مو فتاة...بس لحظة ...لا تروحون بعيد>>>>انا موفتاة صح...لاني صرت ماما الحين...
مريت بقسمكم..شفت مواضيع روعه..
بصراحه لويقولون اللي يقولون.. انا داااايم اقول...
(ياحلو البنات)..
ربي رزقني بولد..الحمد لله يسوى عيوني...
بس احس البنت غير...
كذا ربي خالقها حلوة..
المهم..
اسرار البنات..
انحشت من المتزوجات وجيتكم هنا...
عشان اقولكم سر...
شي بخاطري ودي اقوله لكل بنوته...
يمكن بعضكم مايحتاج من يقول لها هالكلام لانها ذيبه..
بس انا يوم كنت كبركم ماكنت ذيبه للاسف..
كنت على نياتي..على قولتهم احسب كل الناس مثلي..ويحبوني مثل ما احبهم...
اخلصت كثير ووثقت في ناس ما يستاهلون الثقه..
انا ما اتكلم عن العلاقات المحرمه..لا ..ان شاء الله مافيكم اللي عندها
هالمرض..
انا اتكلم عن الناس اللي تستغل..
كل شي اقوله كنت مجربته..وما عرفت الحقيقه الا لما كبرت..
الحين تندمت..
عشان كذا انا اكتب لكم..
عشان ما تتندمون..
ناس استنزفت حبي..مو اعجاب..لا..
صدااااقه..
لكن صداقه في غير محلها..
كنت بنوته عمري 19 وصادقت وحدة عمرها 27..
ليش ما ادري..!!
استغلتني..بمعنى انها ماخذتني تسليه...
وقت ما ترضى على زوجها ترضى علي..
ووقت ماتزعل عليه..تزعل علي..
وانا ياعمري ما ادري وش السالفه..كلما زعلت اجلس اراضيها وانكد على نفسي وازعل على الجميع..>>فاهمه الصداقه غلط
ودايم اربع وعشرين ساعه..رسايل..
ومكالمات..
وكانت جايتني من باب >> احنا اخوات..
اهانتني كثير ..واتحمل وما ازعل >> ياعمري انا مخلصه بقوة....عشاننا اخوات..
ضحيت عشانها كثيــــــــــــــــــــــــر..>>فالاخير ماقالت شكرا..
واشياء كثير كثير سويتها عشانها .. ماودي اتذكر..
لين اخر شي طفح الكيل
واتهمتني اني ابي اخرب بيتها..وهذاك اليوم كان من بكرة زواجي..
وقطعت علاقتي فيها من يومها..
لكن الحين يوم كبرت..اكتشفت اني ................
الفايدة من كلامي..
انك لا تعطين احد مشاعر اكثر من اللي يستاهلها..
عندك احساس مرهف وقلب كبير..
لا تعطينهم الا للشخص اللي متاكده انه هو اللي يستاهل..
حتى لو اضطريتي تنتظرين هالشخص وقت طويل..
واظنكم فهمتوا قصدي..
انا ما اقول لا تحبين صديقتك...
حبيها واخلصي لها..
بس بحدود ..
مهما كان تظل صديقه ممكن تتخلى عنك باي لحظة..
وبنفس الوقت..لا تحكمين على جميع الناس بنفس الحكم..
لي صديقه من 9 سنوات تقريبا..
للحين انا وياها سمن على عسل>>اذكروا الله..
هذا دليل على ان الناس مو واحد...
شي ثاني..
عندك احلام جميله..كل يوم تحلمينها..وانا اعرف هالاحلام زييييييين...
وياما ياما حلمت فيها....
لكن مهما كانت هالاحلام حلوة...
تبقى مجرد احلاااااااااام....
لا تخلطينها بحياتك الواقعيه..
بمعنى..اتركيها في داخلك..لين ما يجي الوقت المناسب لتحقيقها..
مو مهم تتحقق باسرع وقت..المهم تتحقق باجمل صورة..
......
ناس كثير يمدحونك..
ياااحلوك..انت مملوحه..شعرك ناعم..ودي اخطبك لاخوي...
كلاااااااااام كثير..لكن يبقى كلام...
ينقال ببلاش..ولاي احد...
لا تصدقين الا الصحيح منه..والموجود فيكي..واتركي المبالغ فيه..
واللي ماقالوه الا عشان (يتميلحون عليك)
....
لك اسرار في حياتك ..
اشياء خاصه..
((نصيحه مني))
خليها اسرار..بين نفسك وبينك..
راح يكون لها خصوصيه اكثر..
ومحد راح يعرف عنها..
وبلاش تختبرين امانه احد..
قلت الامانه في الناس..
......
اي قرار تتخذينه..فكري زييييييييييييين....
وتاكدي ان هالقرار انت تبينه بالفعل..ومو من تاثير اي شخص عليك..
نتيجه هالقرار راح تتحملينها انت ..مو اي شخص ثاني..
سواء عواقبه حلوة او مره...
.....
راح يبتسم لك ناس كثيررررررر...
لازم تعرفين تميزين الابتسامه الصادقه من ابتسامه المكر...
وهالشي صعب مررره..بس انت قدها...
وخليك حذرة من اللي يبتسمون لك كثير...ويدّعون النصح...
ترى يمكن ماتجيك الطعنه الا منهم...
خليك ذيبه وميزيهم...
...........................
كلام في خاطري حبيت اوصله لكل بنوته طاهره وعلى نياتها..
ترى مافيه في هالزمن شخص مثلك على نياته..
لا ينلعب عليك...خليك ذكيه..و(لا تطيرين في العجه..وبعدين تندمين)
واعرفي ان كل قرار خذتيه..انت راح تتحملين نتايجه..
والنك نيم حقي..دليل على ان كل كلمه طالعه من قلبي..
ربي يحفظكم من كل شر...
ويالله عن اذنكم بروح اشوف وليدي...
دعواتكم ..