كيفكم يالغالين والله من كثر القهر اللي فيني قلت مالي بعد الله الاانتم اشكي له طبعا انا
فيني طبع مااتقبل التغيير ومااخفيكم ممكن يأثر في نفسيتي طبعا انا مضايقني شي انا
وبنات خالاتي كانت بيننا مودة ونجلس مع بعض مثل الخوات واكثر والله يشهد علي
ماعمري اذيت وحدة فيهم وهم كذلك بس تقريبا كل بنات خالاتي تزوجوا طبعا الزواج
ماادري ليش يغير البنات طبعا السالفة ان بنت خالتي تزوجت وتغيرت 180 درجة وقبل
ماتتزوج كانت حبوبة وعلاقتنا ببعض مرة قوية تخيلوا اذا كنا في عزيمة وكنا جالسين
ومسوين جمعة تجي من جنبنا مطنشة وتروح عند بنات عماتها او خوات زوجها وواضح
عليها ملامح الكبر لأن هذا مو وضعها قبل الزواج والله كانت تموت فينا وماتعرف الا
احنا على طول تجي عندنا بس ماادري ليش قلبت فجأة واذا جت عندنا البيت مافي
احسن منها ورسايلها معي غييررررر وهذا اللي يخليني اشك في نفسي اكثر اني انا
ظالمتها واني غيرانة منها
طبعا هي ماقد اذتني بشي بس انا منقهرة من هالحركات سواء هي اوغيرها لدرجة اني
خلاص ماعاد ارتاح لها ابد وعلاقتي معها صايرة مجاملات تخيلوا كيف كنا ووين صرنا
انا لمن الواحد يكون متواضع معي اسولف معه عادي بدون شوفة حال واضحك يعني
الوضع عاديبس لمن اشوف مواقف زي هذي وخصوصا التغلي والتكبر احس بشي
جواتي ناحيتها واحيانا اانب نفسي اني انا غيرانه منها واني حاسدتها فتقل ثقتي في نفسي
وارجع البيت وانا متضايقة وابدأ احطها في بالي ومن هالأفكار عاد انتوا احكموا على
الموضوع مين الغلطان انا ولا هي وكيف اتعامل معاها
الموضوع منقوول .......
نفس المعاناة عندي اشوف كل وحده تتزوج تتكبر وتنسى العشره وكل شي صار بيننا
ابي اعرف ليه يصير كذاا وش اللي يتغير وليه الوحده تشوف حالها من تتزوج
الموضوع مفتوح للنقاش ابي كل وحده تقول الاسباب اللي تشوفها من وجهة نظرها